我怕曬黑, 仲有咩方法補充維他命D?

相信大家都聽過，每日日曬15-20分鐘左右，讓皮膚製造足夠維他命D，可以幫助腸道吸收鈣質。但唔少女士表示唔想曬黑，每次出門前必定搽防曬。呢種情況下，皮膚接觸唔到紫外線，便無法製造足夠維他命D。

咁係咪代表無辦法攝取到維他命D呢?

當然唔係啦19-70歲成年人士每日嘅維他命D建議攝取量為600IU，而70歲以上人士嘅建議攝取量為800IU。

天然食物入面，深海魚、經太陽或紫外線照射下蘑菇、添加左維他命D嘅牛奶或雞蛋黃等為維他命D豐富嘅食物。

一條3盎士熟煮嘅三文魚柳含570IU維他命D；半杯經紫外線照射嘅雙胞蘑菇(white mushroom)就含366IU維他命D；1杯添加左維他命D嘅牛奶約含120IU維他命D。

如果十分抗拒上述食物，可考慮透過魚肝油或服用維他命D補充劑。1茶匙魚肝油含有450IU維他命D，然而，魚肝油含其他脂溶性營養素如維他命A，攝取過量維他命A有機會造形肝臟損害，因此不建議兒童服用，而成年人在服用前建議先咨詢營養師或醫生，再決定是否需要服用。